أستاذ فلفسة لتلميذة متحجّبة: ”الشوليقة فوق رأسك نمسحو بيها صبابيطنا”… هل ستتم محاسبته؟

اثارت تدوينة نشرتها احدى التلميذات جدلا واسعا في الوسط المدرسي حيث جاء فيها :

“”سلام انا تلميذة 3 ثانوي نقرى في المعهد النموذجي ببنزرت اليوم نقراو فلسفة عند الاستاذ اللي عيب يتقال عليه استاذ , السيد هذا اليوم عرض زميلتي للعنف اللفظي و الاستفزاز , الطفلة نضربو بيها المثل في التربية و الاخلاق , هي متحجبة و سي السيد يعطي في مثال في الدرس قال “المرا اللي لابسة شوليقة” و هي بكل احترام سئلتو علاش استخدم مصطلح كيما هاكا ياخي ولا يقول في كلام يوجع برشا و قاللها “الشوليقة اللي فوق راسك نمسحو فيها ساقينا و صبابطنا” و برشا كلام اخر عيب يتقال في مؤسسة تربوية الطفلة ما جاوبتوس و هبطت راسها و بكات و هو خرج من سينتو و ولا يضرب في الطواول و يرمي علينا في الستيلوات ويصيح و يعيط , السيد هذا لا احترم زميلتنا لا احترم المؤسسة التربوية اللي هو فيها , عيب يتقال عليه استاذ او مربي وقت هو ما يستحقش شرف المهنة هاذي مش اول مرة تصير مشاكل كيما هكا و الحل انا ما نسكتوش عالتسيب هذا و نشالله زميلتي تاخو حقها بما انها تضرت نفسيا و معنويا بشدة”