مريم الدباغ تفاجئ الجميع… “الحمد لله بكل فخر أنا وليت أم.. باش نكبّرو ونخليه يحقق أحلامه”

لا تزال زيارة الأنستغراموز التونسية مريم الدباغ، إلى فلسطين مستمرة، وتوثق كافة لحظاتها ونشاطاتها هناك.

وفاجأت مريم الدباغ متابعيها بارتداء الكوفية الفلسطينية، ورفع علامة النصر.

كما عبرت الدباغ عن سعادتها الكبيرة بهذه التجربة :”هذا أقوى voyage عملتو في حياتي الكل وعمري ما نجم نعمل تجربة كيما هذه.. الي ريتو بعينيا وحسيتو بقلبي ما يتوصفش لا بتصاور ولا بالكلام.. حاجة سحرية برشا نحس روحي كنت معمية.. وكي مشيت للقدس ما نعرفش شنوة صارلي.. وليت نبكي بالشهقة ودخلت بعضي حسيت روحي ياسر محيبني ما فهمتش شنوة صارلي..

بعد ما صليت حبيت نكتشف فلسطين قالولي راهي ماهيش حاجة ساهلة.. كبشت وحبيت نشوف كيفاش يعيشو وشنوة صاير.. مشينا وتعديت للبلايص الي نحب نشوفو وحكيت مع الصغار وشفتهم كيفاش يعيشو..”.

كما أعلنت الدباغ عن تبنيها لطفل عمره سنتين من فلسطين وقالت :”

أنا اليوم بكل فخر وليت أم متاع وليّد صغير عمره عامين.. قد ما نقلكم محلاه ما نجمش نوصفو.. نحب نكبرو ونربيه ونقريه ونوصلو للي يحب يوصلو في حياته.. باش يجي لتونس ومعاه خواتو وأنا باش نمشي بحذاهم.. فرحانة برشا إني وصلت حققت أكثر من الحلم متاعي.. ربي رزقني بالطفل الصغير هذا قبل ما نجيب ولدي من صلبي.. باش يولي ولدي عبارة من لحمي ودمي ..”