ميديا بلوس-تونس- اعتبر غازي الشواشي أمين حزب التيار الديمقراطي اليوم الأربعاء 25 ماي 2022، خلال حضوره في برنامج في 90 دقيقة على إي اف أم، أن رئيس الجمهورية قيس سعيد لن يحترم الآجال القانونية ولن يقوم بنشر دعوة الناخبين للاستفتاء أو أي نص حول محاوره بالرائد الرسمي.
كما أشار الشواشي إلى أن حزبه قرر لعدة اعتبارات مقاطعة الاستفتاء وسيسعى لإسقاطه، كما سيدعو التونسيين إلى مقاطعته.
وقال ضيف برنامج في 90 دقيقة:” رئيس دولة أدى القسم على احترام الدستور وفي أول فرصة ليه ألغى الدستور وداسه وما عطاه حتى قيمة وحتى قدر وإلى حد الآن تونس خارج الدستور التونسي متاع 27 جانفي بالرغم أنو كل مرة يرجع للدستور والاطلاع على الدستور فما بالك بالقوانين، هو ما يعطي حتى أهمية للقوانين، قانون الانتخابات والاستفتاء يقول يلزم قبل شهرين ينشر دعوة للشعب التونسي للمشاركة في الاستفتاء وبالتالي كان ناوي يعمل استفتاء في 25 جويلية اليوم آخر يوم بش ينشر الدعوة، ويلزم ينشر معاه نسخة من هذا الدستور الجديد الذي يبشر بجمهورية جديدة بش التوانسة يطلعو عليه وبش الأحزاب السياسية تطلع عليه وتعمل الحملة متاعها معاه ولا ضد ولا للمقاطعة وبالتالي للأسف الشديد هذا يبين أنو يحتقر الأجساد الوسيطة وقوانين الدولة ويحتقر الدستور التونسي هذه القوانين لا تمثل شي اللي يهمو هي مراسيمو، هذاكا علاش أنا سمعت إنو السيد ناوي بمقتضى مرسوم بش يعدل قانون الانتخابات والاستفتاء ويحطو على المقاس ويركبوا على الرزنامة اللي هو اختارها بالرغم وأنو هيئة الانتخابات تقلك راهي صعب تطبيقها واحترامها لأنو الآجال ضيقة وما تعطيش فرصة لتسجيل الناخبين زوز ملاين و500 وما تعطيش فرصة للأحزاب بش يقومو بحملاتهم الانتخابية وما تعطيناش فرصة بش نضمنو نزاهة ومصداقية هذا الاستفتاء هذاكا علاش قررنا مقاطعة هذا الاستفتاء لاعتبارات عدة وسنسعى لإسقاطه وإقناع التوانسة لمقاطعته حتى قيس سعيد يأخذ درس أنو الشعب التونسي غير قابل أنو يستبلهو وأنو يستغباه ويستعملو اليوم لتمرير مشاريع شخصية هلامية لا علاقة لها بأولويات هذا الشعب”
