مقالات رأي

ما وقع فيه توفيق شرف الدين وقع فيه فوزي المهدي!

ما وقع فيه توفيق شرف الدين وقع فيه فوزي المهدي!
“..جعلتنا نتخذ قرار الإقالة والذي تأخرنا فيه” ، هنا المشيشي يعترف الي قرار الاقالة موش نتيجة تلاقيح يوم العيد، وهذا هو الصحيح، المشيشي ما اقالش وزير الصحة قبل لانو كان يترقب الوضع الصحي يتحسن، وما حبش يوقع لحكومتو مثلما وقع لحكومة عبو والفخفاخ وقت لاقالت المكي. لكن كان واضح انو المشيشي ماهوش باش يخلي فوزي لانو يعمل لحساب قيس.
“قرار استدعاء كل التونسيين إلى تلقي التلاقيح يوم عيد الاضحى قرار شعبوي، يمكن وصفه بالاجرامي”، هنا المشيشي ضرب عصفورين بحجر واحد، وصف سلوك وزير الصحة بالاجرامي، وما يعني ذلك من تثبيت السلوك المتعمد ونفي الخطأ الاجتهادي، وزاد وصف الوزير بأوصاف تلاحق في الرئيس الي هي الشعباوية.
“قرار مسقط ولم تتم إستشارة رئيس الحكومة والولاة والقيادات الأمنية أو الرجوع للجنة العلمية أو الهيئة الوطنية لمجابهة الكورونا قبل اتخاذه”، كيف نسمعوا المشيشي في النقطة هذي نعرفوا الي الطريقة ليخدم بيها قيس سعيد بدائية ياسر، وانو محنط ما غيرش تكتيكاتو وقت الي كسر ليه المشيشي بيضو الكل وخلالو بيضة وحدة كملها نهار العيد، والي يتبع كلام المشيشي هنا حول فوزي المهدي يلقها ينتهج في نفس خطة وزير الداخلية المقال توفيق شرف الدين، فوزي عامل منعرجات حادة وماخذ قرارات هوجاء بدون علم المشيشي ولا الدائرة متاعو، و بأوامر من الرئاسة، وشرف الدين سبق وعمل نفس الشيء، قام بأكبر حزمة إقالات وتعيينات ربما في تاريخ السلك الامني في غفلة من المشيشي و بأوامر من قرطاج.
“في جانفي الماضي قمنا بإجراء تحوير وزاري ولكن النتائج كشفت أن تعطيل التحوير تسبب في كوارث خاصة في القطاع الصحي.” هذي زريقة ماعندها حتى دخل بالصانع “فوزي المهدي” هذي موجهة بشكل مباشر للعرف “قيس سعيد” بصريح العبارة قالوا كل ما يوقع من كوارث من تحت راسك.
بان بالكاشف إلّي وزير الصحة واقع تحت ضغوطات من سعيد، وانو سعيد كيفو كيف محسن مرزوق، مزروبين على تحقيق احلامهم ويقلقوا ياسر بالتدرج، بمتابعة لسلوكو واضح الي فوزي المهدي تعرض الى عملية استعجال وضغط من قرطاج يحبوه ينجز مهمات طويلة في زمن قصير، ويحبوه يكسر علاقتو بالمشيشي ويجاهر باستفزازو كيما يخبوه يجاهر بالولاء لسعيد، وانو القصر قادر على حمايتو، لكن الي وقع فيه شرف الدين وقع فيه المهدي، كلهم طمعوا وجدت عليه الي قيس قادر يحميهم اذا قاموا بمهمات قذرة داخل الحكومة لصالحو.

نصرالدين السويلمي

اظهر المزيد

Aymen Oueslati

محمد أيمن وسلاتي من مواليد 1982 مدون في موقع ميديا بلوس تونس

مقالات ذات صلة

اترك رد

زر الذهاب إلى الأعلى
error: Content is protected !!