مقالات رأيوطنيّة

هاو علاش لازمنا نتفهموا جنون الثورة المضادة في تونس..!

ميديا بلوس-تونس- هاو علاش لازمنا نتفهموا جنون الثورة المضادة في تونس..! |بقلم نصر الدين السويلمي

يا ولادي راهو الي وقع في تونس ما وقع في حتى مكان..
شدّ عندك:
*مليارات تصرفت باش يطيحوا الثورة ما طاحتش، ما تخلخلتش ما فقدتش حتى يجورة.
*اندادهم في الدول العربية الكل الي ما طيحش ثورة لڨشها وهوما خدموا خماسة وعشارة ورقيق وعبيد ودخلوا الزريبة تمرغوا فيها وخرجوا يديهم على روسهم وزاد مزبلهم عرفهم ولد زايد.
*كيفاش ما يجنّوش والمجلس التأسيسي الي نادوا بيه وفرضوه طلعت ليه النهضة والمؤتمر والتكتل والعريضة.. وهوما ڨعدوا تحت السور متاع باردو ينشّوا في الذبان.
*كيفاش ما يجنّوش والمقرر متاع أول دستور ديمقراطي في تاريخ تونس الحبيب خضر.
*كيفاش ما يجنّوش وأول رئيس منتخب في تاريخ تونس المنصف المرزوقي .
*كيفاش ما يجنّوش وأول حزب فاز في انتخابات ديمقراطيةالنهضة الإسلامية.
كيفاش ما يجنوش والعريض والمرزوقي وبن جعفر هوما الي وقّعوا أول دستور ديمقراطي في تاريخ تونس.
*كيفاش ما يجنوش وأكثر واحد شد الحبس الانفرادي في تاريخ تونس هو لشدّ أول وزير داخلية في دولة ديمقراطية وزاد شد رئيس حكومة والرعايا متاعو هوما الي كانوا يشوهوا فيه بتوزيع الأشرطة الجنسية المفبركة متاع بن علي، وزيد من مدنين وهوما ماهمش موالفين بحاكم من وراء البلايك.
*كيفاش ما يجنّوش وأول رئيس حكومة في تاريخ تونس الديمقراطية عندو ربطية بــ16 سنة حبس.
كيفاش ما يجنّوش وأول رئيس حزب حاكم في تاريخ تونس الديمقراطية هو رئيس الجماعة الإسلامية والإتجاه الإسلامي وحركة النهضة الإسلامية.
*كيفاش ما يجنّوش والنساء الديمقراطيات يتظاهروا البرّا والإسلاميات يكتبوا في الدستور لداخل في المجلس.
*كيفاش ما يجنّوش والحزب الظلامي الإسلامي الرجعي عندو 10 سنين وهو يربح وهوما عندهم 10 سنين وهوما يخسروا.
*كيفاش ما يجنّوش وهوما راهنوا على الزبيدي شوي ذاب كي الزبدة، وراهنوا على قيس جبد بيهم لقْياس، راهنوا على الدبابة حڨرتهم.
*كيفاش ما يجنّوش وهوما جايين في 2011 باش يأسسوا الدولة التقدمية اللائكية الحداثاوية…. شوي طال عليهم الزمان وكثرت عليهم لخساير، داروا داروا حطوا بيضهم الكل في علاڨة عبير موسي.
*كيفاش ما يجنّوش وهوما يعِدو باليوم والليلة والساعة والدقيقة وقتاش يقضوا على النهضة، شوي طلعت ليهم آفة أخرى اسمها ائتلاف الكرامة.
*تـــــــــــــــــــي بجاه ربي كيفاش ما يجنّوش وصديقهم والّا عرفهم والّا الممول متاعهم طلع صهيوني كَركر ليهم الدول العربية للتطبيع وزاد فك الحصار رغم انفو وخزاه ربي، وصاحبهم الآخر في طبرق هانو قريب يتسلسل لمحكمة لاهاي، بينما أصدقاء الثورة واحد ربح 4 دول فكوا الحصار رغم انفهم وزاد مشى ليه رئيس تونس عطاه خير ربي ورجع، وصديق الثورة الآخر عاون تونس في السلاح باش تحارب بيه الارهاب وعاونها في الحرب على كورونا وزاد عطاها البيرقدار، وزاد حل مشكلة ليبيا وهانو تعدى عمل علاقة استراتيجية مع الجزائر..
راهي ثورتهم المضادة عملت الفضح بالخساير، وجوهم تسلتت عند فرخ الڨاز طاروس المازوط.

نصرالدّين السويلمي

اظهر المزيد

مقالات ذات صلة

اترك رد

زر الذهاب إلى الأعلى
error: Content is protected !!