مقالات رأي

سعيّد يمهد لحل الأحزاب

“وأكد المشيشي أن رئيس الجمهورية حريص على إقصاء رمزية الأحزاب من المشهد”.

خلينا من المشيشي صباب ماء..
تو العقيد سعيد ماو منع الحرس الرئاسي في البرلمان باش يدخل ويقوم بواجبو القانوني الدستوري ضد العربدة، وبالعاني سيب جماعة عبير يهرسلوا في المؤسسة التشريعية ويدكوا في رمزية أحد الرؤساء الثلاثة، وبعد جاء سعيد بحيل ماكرة وفي غياب المحكمة الدستورية سحب من رئيس الحزب الأول حق تشكيل الحكومة.
باهي ماو تهنى على المشيشي ماهوش رئيس من الرؤساء الثلاثة مدام تابعو والا تابع نادية..
هكا يكون بقى رئيس وحدو وساعات يعطي معاه لنادية شوي..
أي مالا شنو يقصد باقصاء برمزية الأحزاب!!!!!
تي ماو ثمّ حاجتين، ركز عـــــــــــــــــــــاد..
الأولى.. آخي قيس موش كان يسحب في صلاحيات المكي، وموش ما استقبلوش وما حضروش حتى في مناسبات طبية وسيطر ليه على صلاحياتو باش يظهر في زمن الكورونا، موش كيف مشا المكي على روحو، طول استدعى القائم بأعمال وازرة الصحة!!!! تي هي عاد ركز! هو مصدق باش يتخلص من وزير عندو شعبية تحبو يرجعو هو وغيرو من الأسماء السمينة!
أوووووه عاد!!! آخي القذافي مشو نجرهم جماعة مجلس قيادة الثورة، آخي القذافي موش مطرب جابوه برشا مرات في التلفزة ولو الليبيين يعلقوا في صورو ، قام منعو من الظهور!!!! يحب يكون في ليبيا كان فحل واحد، وبعد كبر ولدو سيف خلاه بحذاه فحيّل صغير، والبقية الي يطل يعطيه! راهم جماعة الفواتح المغلقة ما يطيقوش الأضواء تبعد على الفوڨيرة متاعهم.
وبعد ما غرّق البرلمان والقصبة وأصبح سي سعيد يقوم بكل المهام، صحة استثمار بنية تحتية ميكانيك نجارة…. هاو تفرغ للأحزاب، بدأ بإقصاء رموزها، وبعد يقصيها تماما من الساحة، تجهرها نادية ويتعشى فيها هو ورضا لينين.. وديسروا بالدلاّع..
تقلو لا ما يجيش سي قيس عنا دستور، يقلك الدستور دستوري وانا حر فيه!
زيد هو ما يحبش يخسر الطبوبي، حليفو الي عمل بيه تياتروات في القصر ضد الغنوشي، وقالو عاوني على الغنوشي والنهضة ونعاونك على لسعد اليعقوبي، نساعدك في تغيير قانون الاتحاد وتساعدني نغير الدستور باش يولي نظام رئاسي، وزيد ماو كي يحل اللعبة وما يحصرهاش، تي ماو يرجع ليه المكي ومعروف!!! لا عاد وحليفو الطبوبي ما يحبش واحد يحل دهاليز الصحة خلي عاد من دخول ادغال التونيسار..
مالا هانو عمل حل كاراكوزي حتى كيم جونغ ما يعملوش، قالك إقصاء رموز الأحزاب! كيما قالك ما ثماش احزاب! كيما قالك حماية! كيما قالك قبائل تكتب الدستور! حتى تجار الرقيق في امريكا في القرون الغابرة، يحشموا ما يقولوش للرقيق متعهم الكلام هذا!!! أي قيس قالها! تحايل على الحزب الحاكم نحى ليه حق تشكيل الحكومة وبعد قالو تو ندخلك للحكومة أما نخير انا من بنك الاحتياط متاعك!!!!!! وكان تقولها لنزلاء سبيطار منوبة ما يرقدوش من الضحك!
تي هو منين كان ضعيف كان يأكل على بعضو، صلاحياتو وصلاحيات غيرو.. خلي عاد كي سمن ودزت كرشو… غير ادعوا برك ربي يخلص وحلو على خير………………..

نصرالدين السويلمي

اظهر المزيد

Aymen Oueslati

محمد أيمن وسلاتي من مواليد 1982 مدون في موقع ميديا بلوس تونس

مقالات ذات صلة

اترك رد

زر الذهاب إلى الأعلى
error: Content is protected !!