مقالات رأيوطنيّة

تونس تتعرض إلى عمليات ارهابية خطيرة!


ميديا بلوس- تونس- اسمها حرب بيولوجية والا حرب جرثومية، معناها أخطر من الحرب التقليدية، بينما متوفرة للسلطات قاعدة بيانات الأبرياء والمتعاونين والمشتبه فيهم والمتورطين والمجرمين، كل شيء عندك مسجل في البرط والا في المطار… عيب راهو قدامنا ايطاليا بفلوسها وقوتها واقتصادها قاعدة تفنى يوم بيوم، والتو المؤسسة الامنية والمخابرات والاستعلامات الأمنية والعسكرية ما دخلتش على الخط.. ولاحقت الذئاب الجرثومية أكثر بكثير ملي تلاحق الذئاب الارهابية… رانا قاعدين نلعبوا بالنار!
الناس الي يلزمها تدخل الحجر الذاتي وما دخلتش وخرجت مسيبة ملّربعة، هذوما ما اسمهمش بشر، اسمهم ذئاب منفردة، محزمة مليح مليح، موش حزام تقليدي يقتل الي قتل ويموت صاحبو، لا هذا حزام معدي يقتل وينقل القتل، وزيد يمكن تمون الاطفال والنساء الحوامل والشيوخ.. وسي الذئب المنفرد يبرى ملفيروس وبعد يرجع ليطاليا يكبري بالفا روميو، والا يروح لألمانيا يلڨى لملومة باهية متاع فلوس السوسيال!يقص منها للصيف باش يزيد يروح يتفرهد بلڨدا!!!!! المعركة ما عادش صحية جافة، المعركة امنية باستحقاق.

نصرالدين السويلمي

الوسوم
اظهر المزيد

مقالات ذات صلة

اترك رد

error: Content is protected !!
إغلاق